منتج سينمائي يعترف: عملت سحر لـفيفي عبده علشان خسرتني كتير

كشف المنتج السينمائي أحمد الزواوي عن قيامه بالسحر للفنانة فيفي عبدو، موضحا أنها تسببت في خسارته للكثير من الأموال.

وتابع المنتج أحمد الزواوي، خلال تصريحات تلفزيونية: "عملت عمل للراقصة فيفي عبده علشان عليها فلوس ومش عايزة تدفعها وفيلم لعب العوالم متصورش بسببها".

وأضاف "الزواوي"، :"بيبقى في ايدينا حاجات بنستعملها لما يكون مش عارفين ناخد حقنا بالقانون وهي ليها علاقة بالفلك ومش أي حد يقدر يعملها".

وتابع:"ما قمت به مع فيفي عبده مجرد قرصة ودن، كان ليا مبلغ عند فيفي عبده مقدم فيلم قيمته 60 ألف جنيه في 2017 وانا بعد المحاولات معاها بقولها عايز الفلوس بقيمتها دلوقتي يعني لو المبلغ كان بيساوي 6 اَلاف دولار دلوقتي قيمته 10 اَلاف دولار وبس هو ده اللي أنا عايزه ومطلبتش زيادة عن حقي".

وأشار، :"البداية كانت بمبلغ دفعة تعاقد على فيلم 60 ألف جنيه في 2017 قولتلها أنا عايز فلوسي بقيمة النهارده ولكن للأسف هي رافضة تدفعه، وكلمت النقابة ورفعت عليها قضية لكن معرفتش أخد حقي

وأكمل: "فيفي عبده رافضة تدفعلي المبلغ، إحنا حضرنا للفيلم وجبنا أبطال العمل اللي اخترتهم وحجزنا لوكيشن وفجأة لقيناها مش بترد علينا، وأشرف زكي قال لي أعمل شكوى في النقابة واشتكتها في المحكمة والقضية خدت حفظ بسبب عدم الوصول لها وكلمت بنتها عزة مجاهد وفي النهاية قالت مش دافعة".

وأختتم:"أنا معايا حارس من عندنا ربنا بيذلل ليا الصعوبات واستعملت الموضوع في أشياء تخصني ولكن مش في ضرر أو أذى الناس، وبيسهلولي الصعاب بأمر الله، وده له علاقة بالفلك مش بالسحر".