سها عيد خبيرة الطاقة تحذر: لو واحد عينه زايغة يبقى الحمام على يمين الباب.. ومينفعش نستخدم مكان القبلة البركة هتقل

كشفت الدكتورة سها عيد خبيرة طاقة المكان، بعض الأسس التي يجب الأخذ في الاعتبار بها عند تأسيس المنزل، موضحة أن مواضع الأثاث له أهمية كبيرة في زيادة أو قلة الأموال.

وقالت الدكتورة سها عيد خلال لقائها في برنامج من غير نفسنة، الذي تقدمه كلًا من الفنانة انتصار، وبدرية طلبة، ونوليا، عبر شاشة قناة هي: مينفعش أبدًا الغسالة تبقى جمب النار، إحنا عندنا توزيع للماياه لوحدها زي الغسالة والثلاجة في ناحية، والناحية التانية الفرن والبوتاجاز، وفي النص نعمل العوض علشان يكون في مثلث حركة نقدر نتحرك فيه.

وتابعت: لو واحد عينه زايغة يبقى الحمام على يمين الباب، وإحنا عندنا اتجاه القبلة في مصر الجنوب الشرقي ومينفعش نحط فيها حمام خالص دي بتقلل بركة البيت وبتخلي الفلوس تقل، ومن الحاجات التانية الغلط أول ما نفتح الباب بنشوف اللي ممكن تتنظر، حاولوا تداروا البوتاجاز.

وأضافت: غلط أن السفرة تكون في وجه الباب، لأن الفلوس تترجم إلى طعام وكل ما يكون في فلوس كتير هنعزم ناس كتير، ودي كده علاقة قوية بين الطعام والفلوس، ومعنى كده لو الطعام أو البوتاجاز اتنظر أو السفرة، يبقى الفلوس اتنظرت.

برنامج “من غير نفسنة” تقدمه كل من الفنانة انتصار وبدرية طلبة ونوليا، يعرض يوميًا من السبت إلى الثلاثاء على شاشة “هي”، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.