فيفي عبده: شيرين عبد الوهاب من حقها تغلط ومحمد رمضان مش عارفه ليه ربنا رازقه

تحدثت الفنانة فيفي عبده، عن الفنانة شيرين عبد الوهاب، والفنان محمد رمضان، بعد الهجوم الدائم عليهما بسبب تصرفاتهما.

تصريحات فيفى عبده :

وقالت فيفي عبده في تصريحات تليفيزيونية: شيرين عبد الوهاب المصرية الجدعة الجميلة، كونها بتقع فـ ده عشان إحنا بشر، والناس مش لازم الناس تلوم الفنان، لأنه بني أدم ومن حقه يغلط ويهزر، لأنه لازم يكون طبيعي.

وأضافت: الممثل مش هيقعد زي تمثال الشمع، لازم نكون طبيعيين، هي أكيد مش قصدها تغلط، وهي لذيذة ودمها شربات.

وتحدثت فيفي عبده، أيضًا عن محمد رمضان، مشيرة أنه يمتلك حب كبير الجمهور له، حيث قالت: محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه.

وتابعت: هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي.

واستكملت فيفي عبده حديثها، مشيرة إلى أنها تخاف من الحسد، حيث قالت: مش بنزعج من التعليقات السلبية وبتعامل بطبيعية، وبخاف من الحسد طبعا وبيدمرني، أنا محبوبة جدا بس عايزة الناس ترحمني من الحسد شوية.

أخر أعمال فيفى عبده

الجدير بالذكر أن آخر أعمال فيفي عبده مسلسل "شغل في العالي"، الذي عُرض في رمضان 2022، بطولة شيرين رضا، توني ماهر، بسمة داود، مروان يونس، وتأليف حسين مصطفى محرم، وإخراج مرقس عادل.