نهى العمروسي: المصريين القدماء ليسوا بناة الأهرامات

أثارت الفنانة نهى العمروسي، جدلًا واسعًا بعد حديثها عن القدماء المصريين، وأنهم ليسوا بناة الأهرامات، مدعية أن الأهرامات ليست مقابر لملوك القدماء المصريين.

ونشرت «العمروسي» عبر حسابها الشخصي بموقع «فيسبوك»: "بناة الأهرامات مش المصريين القدماء، أنا عارفة أنتوا هتجزوا على سنانكم مني بس مش مهم، أنا باحثة عن الحقيقة، والحقيقة بتقول إن أجدادنا مش هم اللي بنوا الأهرامات، والأهرامات مش مقابر أصلًا، دي حكاية فوق خيالكم، بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي، يلا اشتموني بسرعة وطلعوني جاهلة".

وأضافت الفنانة نهى العمروسي: "طيب ابحثوا عن الألواح السومرية وبالذات اللوح الـ 11 اللي Enki كاتب فيه تفاصيل عن بناء الأهرامات، الألواح دي كانت مدفونة تحت الطين من آلاف السنين ولقوها في العراق".

وتابعت: "أظن دي آثار وعلماء الآثار أثبتوا إنها أثرية مش حديثة، يعني الواد حمؤة اللي واقف على الناصية كتبها ودفسها في الطين عشان عايز يطلع ترند زي ما بتقولوا عليا بالظبط.. Enki هو بتاح".

ومؤخرًا أصارت نهى العمروسي جدلًا الجدل بعدما نفت فيه عدم وجود عذاب في القبر، وهو ما عرضها لهجوم من قِبل الجمهور.

وقالت: "أنا بختم القرآن كل رمضان، ومش بتفرج على المسلسلات ومش بمشي ورا كلام الشيوخ، وعاوزة واحد فيهم يقول لي أنهي آية اللي فيها عذاب قبر.. يمكن أنا غلطانة، وينتقدوا براحتهم لكن الواحد لما يرد يرد بدليل".