أغنية أنا قادر تتخطي ال ٤ مليون مشاهدة بعد عرض الحلقة الأولى من جعفر العمدة

حققت الأغنية الدعائية لمسلسل جعفر العمدة "أنا قادر " للمطرب أحمد سعد أكثر من ٤ مليون مشاهدة علي موقع الفيديوهات الشهير "يوتيوب" ،ولا تزال الأغنية تحقق نسبة من المشاهدات الكبيرة خاصة أن مسلسل جعفر العمدة من المسلسلات المهمة في السباق الرمضاني هذا الموسم.

"أنا قادر" غناء الفنان أحمد سعد ويشارك فيها بالأداء الصوتي الشاعر "هشام الجخ"، ومن ألحان هيثم نبيل ،وتوزيع كوليكس بوي.

وجاءت كلمات الأغنية كالتالي:

سوق الندالة وسع والكل بقى بيلت
لما النصاص بتقوم تلقى الأصيل بيشت
العوزة هي الميزان في الرجال بتبان
وما دام قلع توبه يبقى ملوش أمان
بيعه كمان وكمان وأفرح إنك بعت
توب الشرف حساس لو اتقلع بيعت

واديني لسة بتفرج
ده سرك أسود وبتهرج
ودنيا مشيها أعرج وأنا صابر

على وشي سمر زنهار
وقلب أخضر لكن صبار
ومهما يطول المشوار أنا قادر

لا عمري طمعت في اللي معاك
ووقت الشدة كنت وراك
ومش قصدي إني كنت ملاك
لكن شبعان

وفاتح قلبي على المكشوف
وبعشق موت ومش مكسوف
كلامي دغري ومش ملفوف
ولا باهت

أنا صابر وصبري شديد
ومهما بتخلف المواعيد
أنا بضحك عنيد وسعيد
وأقول هانت

قابلت كتير وشوفت كتير
ولا خفتش من المشاوير
ورغم الويل فضلت كبير ما بصغرش

أنا ما مدتش إيدي في يوم
وشيلت حمول كوم ورا كوم
ويحلالي أبات مظلوم ولا أظلمش

غريب في بلاد ماتعرفنيش
وبستنى الوعود ماتجيش
وحتى زماني مانصفنيش
يا دنيا وشوش

عايشها زي خطوة دب
وأنا صادق فصحبة ذئب
وصدق الحر غية وكيف
ما بيسبهوش

معاك في الضيقة مهما تدوس
ولا أبيعك بأي فلوس
لكن لو بعت هبقى كابوس فأحلامك
عاشرني تعرف الرجال
تلاقيني مع الشيال
بجد ومش كلام أقوال وقدامك

واديني لسة بتفرج
ده سرك أسود وبتهرج
ودنيا مشيها أعرج وأنا صابر
على وشي سمر زنهار
وقلب أخضر لكن صبار
ومهما يطول المشوار
أنا
لا عمري جريت ولا اتخبيت
على الطبلية أنا اتربيت وعارف معنى كلمة بيت
وأنا حامي لا بدهن زينا ولا بويا
ووقت الشدة على أبويا ولحم كتافي من أبويا