منتج «وبينا ميعاد»: المسلسل كان صعب ولو عرفت تفك شفرة المصريين هتدخل قلوبهم

تحدث منتج مسلسل «وبينا ميعاد»، إبراهيم حمودة، عن نجاح العمل، مُعربًا عن سعادته بتفاعل الجمهور مع المسلسل وشخصياته.

وبحسب «حمودة»، في تصريحات تلفزيونية، "الجمهور في مصر عند شفره متتنوعة طوال الوقت، ولما تقدر تفكها تخش قلوبهم بعمل مختلف، وكانت الناس حابه تشوف اللي جوه البيوت، وطرق التربية المختلفة".

وتابع: "الحقيقة اللي كان مصعب المسلسل شخصية نادية، اللي قدرت تقفل على نفسها السنين الكتير، وإزاي تبقى واقعية، ونقنع الجمهور إزاي هترتبط براجل تاني، فالطبيعي إنه يبقى ابن الناس زي شخصية صبري فواز، والتحدي الكبير إن إحنا ننقل من أبو العروسة الطبقة المتوسطة للطبقة العالية، والناس شافت نفسها وولادها، علشان كده الجمهور كان قاعد مبسوط ومرتاح".

وفي وقتٍ سابق، تحدثت الفنانة شيرين رضا، عن سبب نجاح مسلسلها «وبينا ميعاد»، قائلة: "علشان كلنا كنا صادقين واشتغلنا بقلب، مش علشان سبوبة أو نتشهر، كل حد دخل في شخصيته ما سابوش، فالناس صدقتنا، أنا غير نادية خالص، كنت خايفة منها في الأول، وكان في مسؤولية كبيرة، وفي ناس كتير في الموقف دا، وما حبتش نادية في الأول، وعمري ما طلعت بره نادية، حتى في اللطافة بتبقى بردو سخيفة، ما كانش عندها وقت إنها تغير طريقتها".