يسرا: وحيد حامد أسطورة لن تتكرر وهذه أبرز كواليس حياته

قالت الفنانة يسرا: "لي الشرف العظيم والفخر أنني كنت جزءًا ولو كان صغيرًا من حياة السيناريست والكاتب الراحل وحيد حامد".

وأضافت خلال مداخلة هاتفية ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "مع كل الزخم الفني اللى قدمه وحيد حامد احنا برضو مستفدناش كفاية منه، والرجل كان مليان حكايات وحاجات عمره ما اتكلم فيها، وكان لسه قدامه حاجات كتير يتكلم فيها".

وتابعت:"لما كنا بنقعد انا وحيد حامد مع بعض، وجهة نظره وخوفه علي البلد وحبه ليها وتفانيه في عمله كان غير طبيعي ولا يمكن وصفه".

وأكلمت:"وحيد حامد اسطورة لن تتكرر، وكان لديه فكر ورؤية مستقبلية تسبق أي شخص، وكان صديق وأخ وأب وظهر، وصعب الحديث عنه في كلمتين".

وتابعت: "كنت أتمنى أن كل لحظة وكلمة لوحيد حامد أقوم بتسجيلها وأعيشها وأدونها، هذا المفكر العظيم والفلاح المصري الأصيل لن يجود به الزمن تاني، كان عنده جرأة ومكنش بيخاف طالما علي حق وعارف إن ربنا هينصره ومكنش بيحب الظلم وكان فيه مزايا كتير جدا صعب نلاقيها في حد تاني".