اقتحمت المسرح.. راندا البحيرى تعلق على مقابلة جورج وسوف: حب عمري

نشرت الفنانة راندا البحيرى تعليقا عبر صفحتها على موقع التواصل الاجتماعى فيسبوك بعد نشر صورة لها مع الفنان جورج وسوف فى حفل الإسكندرية.

وقالت راندا البحيرى : “من أحلي أيام حياتي عمري ما بنسي ((دول مش حبايب)) و((كلنا مجاريح )) و((يوم الوداع)) و((حبيت ارمي الشبك)) وغيرهم كتييير اوي من تاريخ ابو وديع السلطان وطبعا قبل كل دول اغنيتين المفضلتين ((روحي يا نسمه)) و((حلف القمر)) وكنت طفله مبحبش حد غير چورچ بنام واصحي أحلم إني هقابله.. طبعًا زمان كانت كل حاجه أصعب من دلوقتي ولا فيه فيس بوك ولا حتي موبايل .. علشان اعرف مكانه او احاول ادور عليه.. كان حلمي حلمي اني اقابله.. لدرجة اني كنت بحلم كتير اني قابلته وأصحي أحكي لأهلي”.

وأضافت راندا البحيرى : “حب عمري.. حب الطفولة والمراهقة والشباب ولحد الإدراك وسني الحالي.. حلمي إتحقق وشوفتك يا چورچ.. بحبك يا ابو وديع ربنا يمد في عمرك ويديلك من فضله ويديلك كل اللي بتتمناه ويخليك الي بيحبوك ويخلهم ليك يارب اللهم آمين ويباركلنا في عمرك وصحتك”.

وحرصت الفنانة راندا البحيرى على حضور حفل جورج وسوف حيث انها صعدت المسرح خلال غناء جورج وسوف وعلق البعض انها قام باقتحام الحفل لالتقاط الصور التذكارية معه.