حاولنا نقسمه نصين .. ”النهار” تواصل نشر نص تحقيقات مقتل شاب على يد شقيقان بمنشأة ناصر
حصلت "جريدة النهار المصرية"، على نص التحقيقات مع الشقيقان "صلاح.م"، و"رمضان.م"، على خلفية اتهامهما بإنهاء حياة عشيق والدتهما وتقطيع جسده لعدة أجزاء وحرقها داخل منزله في منشأة ناصر.
وننشر نص اعترافات المتهم "رمضان"، أمام جهات التحقيق، والذي أكد أنه أنهى حياة صديقه بالاشتراك مع شقيقه بعد علمهما أنه على علاقة غير شرعية مع والدتهما.
وإلى نص التحقيقات:
س/ ما تفصيلات اعترافاتك؟
ج/ اللي حصل إن عرفة كان صاحبنا وجارنا وعرفنا أن فيه علاقة بينه وبين أمنا وكنا منهارين لحد ما فكرنا نقتله ونقطعه ونحطه في شوال واختارنا اليوم اللي نعمل فيه كدة، وصلاح أخويا عمل تعبان وطلب يشوف عرفة ولما طلع قال إنه عايز يجيب حشيش ونزل جاب سيجارة ولفها وكنا عاوزين نخليه مطمن عشان ميشكش فينا وأول ما قعد معانا اتكلم وقال سامحوني أنا عملت علاقة مع أمكم.
س/ وما الذي حدث عقب ذلك؟
ج/ إحنا اخدنا عرفة الشقة وأنا مسكت الحديدة وضربته بيها عشان أعجزه وصلاح كان بيمسك أي حاجة بيضربه بيها لحد ما روحه طلعت وبعدين كنا عاوزين نقتله قدام أخونا الكبير مهنا لكن كلمناه قلناله متجيش هو مات خلاص، وبعدها عبيناه في 3 أشولة وفوامات عشان وخلينا أخونا أنور يجيب تنر وولعنا في دماغه بعدها رميناها في الزبالة، بعدها فكرنا ندهن الأوضة عشان الدم اللي كان عليها.
س/ هل تتعاطى أي عقاقير أو مواد مخدرة؟
ج/ أنا بشرب حشيش.
س/ وهل تلاحظ لك أي أفعال غريبة بين المتوفي ووالدتك؟
ج/ كنت شايف أنه عادي ومش مدي أي خوانة بس أنا كنت بحس أنها بتعامله أحسن مننا إحنا ولادها.
س/ ومتى بدأتم في تنفيذ الاتفاق على القتل؟
ج/ في نفس اليوم اللي قتلنا فيه عرفة، صلاح أخويا قعد يودع مراته ويقولها كان نفسي اخاوي بنتي وسايبك تربيها وانتي معاكي دهب ابقي بيعيه واصرفي عليها ووقت ما فلوسك تخلص اطلبي من رمضان، ولما فلوسه تخلص اطلبي من عرفة ده أخوكي الكبير، وقعد ينده ويقول عرفة هاتولي عرفة.
س/ وأين كان المجني عليه في ذلك الوقت؟
ج/ هو كان عند أمي لأن رشا أختي ندهته من عندها.
س/ وما هي الحالة التي حضر عليها المجني عليه؟
ج/ هو كان مخضوض على صلاح وعاوز يطمن عليه وكان معاه ازازة مياه دلقها عليه.
س/ وهل حاول المجني عليه الاستغاثة؟
ج/ هو قعد يقول موتوني وريحوني.
س/ وهل استجاب الجيران لاستغاثة المجني عليه؟
ج/ آه فيه ناس جم وأنا قلتلهم كل واحد يروح بيته.
س/ وما سبب قيامك بالاتصال بشقيقك مهنى؟
ج / عشان أعرفه اللي حصل واقوله ليك اخوات صغيرين رجالة وأنه يجي عشان يشوفنا بنقتله عشان نرد اعتبارنا وشرفنا.
س/ وكيف قمتم بتقطيع الجثمان؟
ج/ إحنا فصلنا الدراعات وقطعنا الرجلين من عند الركب وفصلنا الراس والعضو الذكري وحاولنا نقسمه نصين معرفناش.
س/ ومن الذي بدأ في تقطيع الجثمان؟
ج/ أنا اللي بدأت عشان صلاح مكانش قادر يقطع في الأول.
س/ وما سبب قيامكم بإشعال النيران في رأس المجني عليه؟
ج/ عشان محدش يتعرف عليه.
.jpg)
