جورج وسوف لـ صاحبة السعادة: كنت شقيا وأنا صغير ووالدى كان ينادينى بـ”أبو على”

حل سلطان الطرب جورج وسوف، ضيفا في برنامج "صاحبة السعادة" مع الفنانة والإعلامية إسعاد يونس، المذاع على قناة Dmc، وتحدث جورج وسوف عن عائلته قائلا: "بيتنا وبيت أمي وأبويا بعيد عن الفن والمغنى، وإخواتي بعاد جدا أيضا، وأنا اللي تركت المنزل وأنا صغير وروحت المغنى.

وعن فترة شبابه قال جورج وسوف: "والدى كان ينادى باسم أبو على، وكنت شقي، ولكن بخاف من أي حاجة فيها أذى، وكنت بحب الشقاوة واللعب، وربنا ادانى عشان أفرّح أهلى، وأنا دلوقتي بتدلع أحلى دلع من الجمهور وربنا مديني كل حاجة".

وأعرب جورج وسوف عن سعادته باستقباله عددا من الشباب في القاهرة بالهتافات ورافعين بعض الصور الخاصة به وعلق قائلاً: "لو الجمهور مستنى عشان يتصور معايا مش معقول أعز عليه صورة".

وأضاف جورج وسوف: "أنا بروح الحفلات عشان أفرح أنا والجمهور مع بعض، واستقبالهم ليا بيفرحلى قلبى وبيغذى ليا حياتى الجمهور بيفرحلي قلبي وبيغذيلي حياتي".

وبسؤاله عن أولاده قال جورج وسوف: "أولادى أصبحوا شباب وكل واحد مشغول بعمله، أما ابنتى "عيون" حضرت حفلة لى في الأردن لأول مرة، مشيرا إلى أنه لا يعلم هل تسمع أغانيه أم لا لأنها لا تعيش معه ولكنها تعيش مع أمها دائما ولكنها تشبهنى هي وجورج جدا".

وأضاف جورج وسوف: "أنا بغنى للعاشق والغلبان واللى فاقد حبيبه واللى ابنه مسافر، وبغنى لكل الناس وبغنى بإحساس كأني مكانه".

وطمأن جمهوره على صحته قائلاً: "أنا الحمد لله كويس وبقضى يومى زى كل يوم، بتفرج على التليفزيون وبأطّلع على أخبار العالم".

وعن اتجاهات الغناء هذه الأيام قال جورج وسوف: "اتجاهات الغناء في علم الله، وأنا مش ضد أغانى الشباب الجديدة وأنا مع كل حاجة جديدة، وبحاول أعاصر الشباب وأغنى لهم كمان، لأن لو معاصرناش الجيل ده تبقى مصيبة".