شيرين عبد الوهاب عن أزمة تصريح حسن أبو السعود: ياريتني قولت إني شبه محمد ممدوح

علقت الفنانة شيرين عبد الوهاب على أزمة تصريحها عن حسن أبو السعود، بعدما تعرضت لحملة من الانتقادات واتهمها البعض بالإساءة له.

وقالت شيرين عبد الوهاب خلال لقائها مع الإعلامية إسعاد يونس في برنامج صاحبة السعادة: أنا عمري كله ضاع في الفن، وبعض الناس كانت متحفظة على تصريحاتي بس بقول لهم دي أنا ومش بحب ألبس قناع للجمهور وأنا عفوية وطبيعية، ولما قولت إني شبه حسن أبو السعود مقصدتش أي إساءة دا أبويا، ياريتني قولت إني شبه محمد ممدوح.

كما أشارت شيرين عبد الوهاب إلى أنها تحاول مساعدة الأصوات الجديدة والفنانين الصاعدين، قائلة: أنا بحاول أساعد الناس دلوقتي ومعايا فنان صاعد اسمه دودي وهيبقى عندليب جديد وبجهزه دلوقتي عشان يطلع للنور، وفيه أصوات كتير بحبها منهم ياسمين علي لأنها زي الفنانة ماجدة الرومي وبتعرف تغني وهي بتبتسم، وأنا بحب الناس اللي حاسين بقيمه نفسهم.

وسبق وتطرقت شيرين للحديث عن مساعدة نصر محروس لها، قائلة: نصر محروس ساعدني كتير في بدايتي وهو حطني على بداية الطريق والسلم وممتنة له، وأنا سعيدة بالـ 20 سنة اللي مروا في الفن ومش ندمانة على أي أغنية ليا والحمدلله تعاونت مع كبار المؤلفين والملحنين.

وأضافت شيرين عبد الوهاب: أنا متدلعة بـ حب الجمهور ليا وحسيت بالدعم والاهتمام من كل شخص في الشارع وبقول لهم لولا دعمكم ليا عمري ما كنت هقدر أرجع تاني.