سماح أنور: الحموات اتسموا كده عشان بيحاموا لأولادهم .. ومجتمعاتنا بتتميز بالحماه اللي بتتدخل في كل شيء

كشفت الفنانة سماح أنورعن تفاصيل دورها في مسلسل الليلة واللي فيها ، والذي يتم عرضه حالياً عبر أحد المنصات الإلكترونية ، موضحة أسباب وتفاصيل غيابها عن الساحة الفنية لفترة كبيرة وعن شاشة التليفزيون.

وأعربت سماح أنور خلال استضافتها مع الإعلامية ياسمين عز ببرنامج «كلام الناس» والمذاع عبر فضائية «إم بي سي مصر» ، عن سعادتها الكبيرة وتعاونها مع مخرج مسلسل الليلة واللي فيها هاني خليفة.

وتابعت سماح أنور حديثها قائلة: «إحنا مجتمعاتنا بتتميز بشكل الحماة اللى بتتدخل فى كل شيء» ، موضحة أن الحب والاهتمام عندنا بيُترجم بأن دا تدخل ، وده خطأ شائع.

وأوضحت سماح أنور: «الحموات إحنا سميناهم حموات عشان كل أم بتحامي لأولادها».

وأشارت إلى شخصيتها في المسلسل قائلة: «شخصيتى في مسلسل الليلة واللي فيها، مش عاجبة زوجة ابنها لأنها بتدخل فى كل شيء، وشخصية ابنى فى العمل طالع إنه ابن أمه شوية، أو أتربى من شخصية متسلطة.

واستكملت حديثها عن مخرج العمل هاني خليفة، قائلة: أنا قُلت لـ هاني خليفة شكرًا إنك اتولدت لأنى بدور عليك من زمان أنا مكنتش عارفة إنك موجود، وأنا من معجبينه أصلًا، كان عبقرى فى المسلسل.