12 أكتوبر.. الحكم على المتهمين بقتل مغني ”أراب أيدول” بالسلام

قررت الدائرة 11 بمحكمة جنايات القاهرة المنعقدة بالعباسية، تأجيل محاكمة المتهمين بقتل الشاب أمجد والمعروف إعلاميا بشاب "أراب أيدول"، إلى جلسة 12 أكتوبر للمرافعة النهائية والحكم.

وجاءت شهادة أحد الشهود على الواقعة: "اللي حصل إن أنا كنت قاعد باكل عند واحد بتاع سمين اسمه زينهم وأنا قاعد شوفت ناس بتتخانق قدامي وصوت عالي ولقيت المتهم محمد نبيل بيسب الدين لأمجد المجني عليه، فأمجد رد عليه وقالوا أنت بتسب الدين ليه فقاله انت مش عاجبك؟ فأمجد قاله لا مش عاجبني قام محمد نبيل ضربه بالقلم على وشه راح أمجد، رادد عليه بقلم تاني على وشه وبدأوا مشادة بالإيد وكان محمد نبيل وفارس محمد المتهم الثاني هما الاتنين واقفين قدامي".

وتابع الشاهد: "واحد جه من ناحية اليمين والتاني في ناحية الشمال وماسكين في أمجد وفجأة لقيت فارس قام ساحب نفسه خطوة للجنب وقام مطلع سكينة من جيبه وفي اللحظة دي أمجد أخد باله من السكينة وعينه راحت مع فارس واستغل ساعتها محمد نبيل أنه أمجد مش مرکز معاه قام لافف وراه ومكتفه ومنزله على الأرض وقام فارس جه ضارب أمجد ضربه واحدة في رقبته".