انفراد… اتخانق معايا بسبب الورث وسرق تليفوني.. ننشر نص تحقيقات قضية ”نورا فتاة المعادي”

تواصل "جريدة النهار المصرية"، نشر نص تحقيقات قضية الفتاة نورا، والتي تعرضت للخطف والاعتداء على يد والدها بحي المعادي، في الواقعة التي فجرتها وسائل التواصل الاجتماعي بعد انتشار صور الفتاة والتنديد بتعرضها للخطف.

وننشر نص شهادة "نورا"، المجني عليها التي تعرضت للاعتداء والخطف على يد والدها، في القضية التي أثارت حالة كبيرة من الغضب عبر مواقع التواصل الاجتماعي.

وإلى نص التحقيقات:

س/ هل من ثمة خلافات حدثت بينك وبين والدك؟

ج/ هو فيه مشاكل من بعد ما جدي توفي في ١٥ يونيو ٢٠٢١.

س/ وما سبب تلك الخلافات؟

ج/ بسبب الورث عشان جدي كان كاتب وصية ليا بثلث الميراث ومسجلها في الشهر العقاري وأنا قلت لعمي عشان أقدر آخد فلوس الإيجار بتاعة العمارة المتأجرة وأعيش بيها.

س/ وما الذي انتهت إليه تلك الخلافات؟

ج/ أبويا جه مصر وأنا عرفت ليلة رأس السنة وبدأ يظهر في حياتي ويركز معايا كأنه بيتلككلي.

س/ وهل تقابلتي معه عقب وفاة جدك؟

ج/ أول شهر كنت بقابله في بيت ماماه تقريبا يوم ويوم وكنت باخد منه فلوس لحد ما حصلت المشكلة.

س/ وما مضمون الحوار الذي حدث مع والدك يوم الواقعة؟

ج/ كلمني ورديت عليه وقلتله أني بايتة عند واحدة صاحبتي وقعد يزعق معايا عشان بايتة برا وقلتله إن ده فرحها وقفلنا على كدة.

س/ وكيف قام المتهم بارتكاب الواقعة؟

ج/ اللي حصل أنه خبط الباب وأول ما مرات جدي فتحت دخل بسرعة وزعق ونده عليا وأنا كنت نايمة في الريسيبشن ولقيته جابني من شعري وضربني وجرجرني على السلم ونزل بيا وفضل ماسكني من شعري في الشارع لحد ما وصلنا بيت مامته ودخلني أوضة وضربني وقفل عليا بالمفتاح.

س/ وهل قمتي بالمقاومة أو الاستغاثة بأحد؟

ج/ أنا كنت بصرخ عشان أي حد يلحقني بس للأسف الشارع كان فاضي والحرس معملش حاجة ومحدش فيهم اتدخل.

س/ وما أثر تلك الأفعال على نفسك؟

ج/ أنا كنت خايفة منه ومش عارفة هو واخدني على فين.

س/ وهل كنتي تتمكني من الحركة داخل المنزل؟

ج/ أنا قعدت ٥ أيام مش بخرج من الأوضة عشان هو قافل عليا وخايفة أعمل أي حاجة يضربني.

س/ وما الذي حال دون قيامك بالتواصل مع زوجة جدك؟

ج/ عشان أبويا سرق التليفون بتاعي، وأنا كنت مخطوفة ومش معايا التليفون بتاعي ولا أي حاجة وخايفة يحصلي حاجة.