ابنة حسن أبو السعود: بابا ساب مفتاح الشقة لشيرين تقضي فيها شهر العسل

تحدثت "رنا" ابنة الموسيقار الراحل حسن أبو السعود، عن مدى قوة علاقة شيرين عبد الوهاب بالموسيقار الراحل وأسرته.

وقالت رنا حسن أبو السعود في تصريح لها بابا ساب مفتاح الشقة لـ شيرين عشان تقضي شهر العسل هي وجوزها وعاشت فيها شهر بدون ما تدفع إيجار.

زاوية أخرى لتصريح شيرين

وردَّت رنا أبو السعود، على سخرية الفنانة شيرين عبد الوهاب من والدها، قائلة: "أنا شوفت تصريح شيرين عبد الوهاب الساخر من والدي من زاوية تانية خالص، شوفت إن ربنا عايز يوصل لبابا دعوات ورحمات وأجر ورحمة زيادة، وخلى شيرين تقول كده علشان الدنيا تتقلب".
وقالت رنا خلال مداخلة هاتفية ببرنامج "تقدر مع الغيطي" الذي يقدمه الإعلامي محمد الغيطي بقناة "الشمس": "مش عارفين نزعل من شيرين ولا نشكرها، والدنيا اتقلبت بعد تصريحها، وكم دفاع رهيب من البشر بشكل مش طبيعي عن والدي، وربنا بيحبه أن سيرته تيجي والناس تدعي له".

كلمة شيرين الجارحة

وأضافت: "ربنا يعين شيرين على ظروفها، وأنا مش زعلانة منها واحد في المائة، اتأثرت من الكلمة واتجرحت لكني حسيت بظروفها".

وأكملت: "أحب أقول لشيرين عبد الوهاب وحشتنا أغانيكي التحفة اللى بنفرفش عليها وبنتمزج عليها بصوتك الحلو، وابسطينا زي زمان، وعدي الظروف دي، وظبطي الدنيا زي زمان".