عمر كمال يرد على منتقديه:طلعت لقيت جوايا حب للغناء سعيت وربنا رزقنى من وسع

أعرب المطرب عمر كمال عن استيائه الشديد، بسبب الانتقادات التي تعرض لها الفترة الماضية من البعض بسبب تقديمة الغناء.

وكتب عمر كمال في منشور له عبر حسابه على فيس بوك، قائلاً: أنا طلعت لقيت جوايا حب لحاجة اسمها غنا .. سعيت ف السكة ديه وربنا سبب الأسباب والدنيا مشيت معايا و رزقنى من وسع بعد ضيقة و تعب .. ممكن أكون صح و بعمل خير وممكن أكون غلط وهخش النار .. ده موضوع هنعرفه ف الاخرة لما نقف قدام ربنا.

عمر كمال على فيس بوك

وأضاف: أنا لا أخدت رزقك .. ولا سرقتك .. و لا أذيتك .. ولا أنت كنت طالع منحة دراسية بلد أوروبية وأنا طلعت بدالك .. ولا أنا أخدت مكانك ف شغل أو مرتب أو ترقية ف أى حاجة .. انا أخترت طريق ومشيت فيه وبس .. فا الدنيا مش مستاهلة أنك تهينى وتشتمنى .. ممكن تتابعني لو شايفنى بقدم حاجة تبسطك وتغير المود بتاعك للأحسن".

وأختتم عمر كمال قائلًا:"متابعنيش لو شايفنى مش بقدم أى حاجة مهمة ف الحياة .. بس متأذنيش بكلامك عشان أنا بنى أدم زيك بحس وبزعل وليا أم وأهل أهانتك ليا بتزعلهم ".

وكان قد طرح مؤخرا مطرب المهرجانات عمر كمال الأغنية الكاملة الجديدة "بحبك" والتى أهداها الفنان أحمد العوضى للنجمة ياسمين عبد العزيز، بمناسبة عيد ميلادها، ونشر كمال الفيديو الكامل للأغنية عبر يوتيوب، والتى جاءت من كلمات الشاعر محمود عليان.

وتقول كلمات الأغنية "بحبك كلمة توصف إيه في إحساسي.. يا أغلي الناس يا ست الكل تاج راسي.. ده أنا لو عنك اتكلم سنين وسنين يعدي العمر وأنا بوصف إحساسي.. أنا لو عليا أجبلك من القمر حتة.. لو عليا أخد من عمري واديلك.. واجلبلك قلبي ده هدية".