نشوى مصطفى عن اختلاف الرأي: كل واحد حسب قناعاته.. ليه عايزني أبقى نسخة منك؟

علقت الفنانة نشوى مصطفى، على أزمات "اختلاف الرأي" التي تحدث ضجة كبيرة عبر مواقع التواصل الاجتماعي.

وكتبت عبر حسابها الشخصي بموقع "فيسبوك"، قائلة: "هو إحنا ماينفعش نختلف بصوت واطي، يعني لازم اختلافنا يبقى دوشة، في كل اختلافنا فى الرأي على أى موضوع بنتحول لأهلي وزمالك".

وأضافت: "منتهى العصبية وعدم التحضر بصراحة، يا سيدنا كل حد بيكون وجهة نظره حسب تكوينه النفسي والمحيط اللي اتربى فيه وقناعات دماغه، ليه عايزني أبقى نسخة منك؟ يا سيدى اعلن قناعاتك بس ماتزعلش مني لو أنا رأيي مختلف".

وتابعت: "اختلافنا لا حيخليك أحسن منى ولا حيخلينى أحسن منك، يا ساتر، هو إحنا حنفضل عالم تالت كده على طول، ماينفعش نبقى على مستوى تحضر الناس اللي فوق، قولولى بقى يا ترى إيه الموضوع الجديد اللي حنتخانق عليه؟ الخناقة اللي فاتت التلات أيام بتوعها خلصوا".