”نمت كتير من غير أكل”.. أبو الليف يكشف أصعب لحظات حياته

كشف المطرب نادر أبو الليف، أصعب اللحظات التي مرَّ بها في حياته، مؤكدًا: "نمت أيام كتيرة من غير أكل، ومكنتش لاقي لا فطار ولا غدا ولا عشاء".

واقعة صعبة على أبو الليف
وأضاف خلال لقائه ببرنامج "نص الكلام" الذي تقدمه الإعلامية راغدة شلهوب بقناة "النهار": "كان عندي عيش معفن ومن الجوع غسلته ورُحت مولع النار وحمرته، وحطيت عليه الملح والكمون وأكلته".

ظروف أبو الليف الصعبة
وتابع: "مكنش عندي مشكلة أني آكل رغيف عيش معفن، البطن لا هتحمد ولا هتشكر، أكلت فراخ أو حمام أو غزلان زيه زي الرغيف المعفن".

وأكمل أبو الليف: "النهاردة أكلت أو مأكلتش مش فارق معايا لأني جربت الظروف الصعبة، وأي فرح بروحه مش بمد إيدي على بوفيه ولا باكل لحمة ولا فرخ برا بيتي".