بعد مشاركتها في ”قادرون باختلاف” الرداد لدنيا سمير غانم: مبسوط بدورك الإيجابي

عبر الفنان حسن الرداد عن فخره بمشاركة شقيقة زوجته الفنانة دنيا سمير غانم في احتفالية "قادرون باختلاف" ونشرالرداد عبر إنستجرام صورة للنجمة من الاحتفالية التي أقيمت امس الأحد بحضور الرئيس عبد الفتاح السيسي.

=

ووجه حسن رسالة لدنيا حيث قال: "أختي الغالية سعيد جدًا بظهورك وبحضورك الراقي في هذا الحدث الكبير وبدورك الإيجابي في خدمة المجتمع جمهورك كله..مبسوط بعودتك وإن شاء الله تقدمي لهم أعمالًا ناجحة كالعادة".

وفي نفس السياق كتبت النجمة دنيا سمير غانم، بوست تعليقا على مشاركتها اليوم في احتفالية قادرون باختلاف، التي غنت فيها أمام الرئيس عبد الفتاح السيسي، وقالت "تشرفت انهارده بالغناء أمام سيادة الرئيس عبد الفتاح السيسي في احتفالية قادرون باختلاف، وسعدت و تشرفت بكلامه ليا جدا وبنظرته اللى كلها أبوة"

وأضافت دنيا سمير غانم: "أحب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملائكة اللي كانوا سبب في ثقتي بنفسي انهارده بإحساسهم الصادق في تعبيرهم عن حبهم ليا الحمد لله وفرحتهم باليوم ده وان فى حد مهتم بيهم وبيفكر فيهم وفى احتياجاتهم"، وتابعت "وبشكر كل الزملاء والأساتذة إلي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت وأستاذ أشرف عبد الباقي سعيدة جدا إني ابتديت يومي بتشجيعهم وحرصهم انهم يطمأنوا عليا قبل ما أطلع و كمان زملائي الأعزاء مصطفي شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا ورحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملائكة اللي استمددنا قوتنا منهم انهارده ومن أهلهم الأبطال".

وتابعت دنيا في البوست الذى نشرته عبر حسابها الشخصى بموقع "إنستجرام": "بشكر كل القائمين علي الاحتفال د/أمل مبدا الأم التانية للقادرون باختلاف، فخورة جدا بأخويا هشام جمال لإنه اشتغل وتعب من قلبه في إخراج الحفلة والأغاني واختيار الأصوات اللي دخلت قلوبنا كلنا وعن نفسي بشكره علي أغنيتي "بلادي اسلمي" كلمات الشاعر الموهوب محمد إبراهيم وألحان العبقري المتنوع هشام جمال وتوزيع الموزع الشاطر جدا مادي".

واختتمت دنيا البوست قائلة: "وفي النهاية حبايبي الغاليين بابي ومامي تأثرت جدا النهارده أنى لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي، ربنا يرحمكم يا أغلي حاجة في حياتي".