شفيق لـ«مولوتوف»:الجزمة التي لا تميتني.. تزيدني قوة

اختص الفريق أحمد شفيق مولوتوف بأول وأجرا وأوعر حوار صحفي له بعد وصوله للدور النهائي في مباراة الرئاسة التي يلتقي فيها مع أبو الأمراس د. محمد مرسي. الفريق أحضر مفتاح 17 وفتح قلبه وعقله وأحضر كوريك ليرفع التكلفة بيئه وبيننا، فأحضرنا مقص حتي نقص شريط هذا الحوار.. الوهمي.في البداية سألنا الفريق: ما هو أول قرار ستتخده بعد فوزك - لا سمح الله - بالرئاسة؟ أجاب الفريق بمنتهي الـ..: أول قرار طبعاً هو الإفراج عن حبيب قلبي وروحي وعمري ومثلي الأعلي مبارك.. وإعدام كل شباب الثورة.. حتي اللي ماتوا أيام المظاهرات.ليه كده؟.. شباب الثورة هم الذين جعلوك تصل لترشيح نفسك للرئاسة؟ لكنهم خلعوا حبيب قلبي وولي نعمتي وتاج راسي مبارك.أكدت مصادر مطلعة وشهود عيان وجهات رقابية انك كنت تشتري أصوات الناخبين.. حتي وصل سعر الصوت إلي 600 جنيه وبالتحديد في الإسكندرية.. فما قولك؟هذا دليل علي أني أقدر المواطن وأعرف قيمة صوته جيداً ولا أنجس ثمنه.. وأنت تعلم أن الاسكندرانية لهم خصوصية وشعب لذيذ لذلك سعر الصوت هناك إلي 600 جنيه.. بعكس الصعيد الصوت هناك آخره خمسين جنيه.. واعتقد هذا أفضل من شراء الصوت بكيس رز أو قزازة زيت.. وكل مواطن ياخد الفلوس ويجيب بيها اللي عايزه.هل ساءت حالتك النفسية بعد ضربك بالجزم يوم الانتخابات؟ بالعكس.. فأنا أو من تماماً أن الجزمة التي لا تميتني تزيدني قوة.. وبالمناسبة هذا دليل علي أن الشعب يعيش في رفاهية وبحبوحة لأن المواطن اللي يرمي جزمته أم 100 جنيه ولا يضمن أن يعثر عليها مرة أخري بالتأكيد قادر علي شراء غيرها.. كما أنني تفاءلت بهذا الضرب خاصة أنه كان بالجزم.. ليه بقي؟.. لأن جورج بوش انضرب بالجزمة وهو رئيس.. ودا مؤثر أعتبره بشرة خير علي اني سأكون الرئيس.. وبعدها يا سيدي نصفي حساباتنا سوا أنا واللي ضربوني.. لأن هناك غير يوهات واضح فيها صور وشخصيات اللي ضربوني.. ويبقوا يقابلونيلولبسوا جزم تاني.هل تقبل الدخول في مناظرة مع محمد مرسي قبل جولةالإعادة؟ مناظرة أيه يا اخويا؟.. هوه انا عبيط؟.. بعدين انتعارف المناظرة عملت إيه في عمرو موسي وعبدالمنعم ابوالفتوح.. خلينا كده حليون ومتداريين لحد الانتخابات ما تعدي وامسك الحكم.لماذا امتنعت عن لبس البلوفر وترتدي حالياً بدلة شيك في لقاءاتك التليفزيونية؟ بلاش وحياة ابوك سيرة البلوفر.. محدش جابلي الهزة وقلة القيمة غيره.. الله يجازيهاللي شار عليه بيه.هل هناك من أشار عليك به.. ولماذا؟ مع بداية ظهوري للناس عقب القرار اللي أصده حبيب قلبي مبارك بأن أكون رئيساً للوزراء قال لي أحد المقربين ان معظم الشعب غلبان ومطحون ومش عايز اللي يتفزلك عليه ببدلة أو عبارات انجليزي في كلامه.. وأشار علي أن ألبس بلوفر حقير حتي أكون أقرب للناس اللي مش لاقية تاكل أو تلبس وبذلك اقدر اقنعهم اني واحد منهم ويسمعوا كلامي ويسيبوا الميدان.. لكن كانت شوره مهيبة.. عشان كده قلت ما بدهاش ورجعت للبدل من تاني.. ورجعت البلوفر اللي كنت مأجره من محل في العتبة.كنت تحب تعيد مع مين؟ الحقيقة كنت احب اعيد مع نفسي عشان افوز من غير وجع دماغ.لو نجحت ان شاء الله هتعمل ايه مع الإخوان؟ من غير ان شاء الله.. أنا ناجح ناجح.. وانت عارف هاعمل ايه مع الإخوان.. هارجعهم القمقم تاني.وها تعمل ايه مع الشعب؟ الشعب حبيبي وشرياني زي ما قال محمد منير..بس كفايه عليه كده.. الحرية مضرة بالصحة والديمقراطية بتقلب بروماتيزم.طيب تقول إيه لأمريكا وإسرائيل؟ عيب عليك.. دا سؤال لا يليق.. هما اللي يقولوا وانا اللي اسمع.. انت عارف مبدأي وتربيتي.. الزوق والشياكة في التعامل.. خليك جنتل وبلاش شغل عامة الشعب ده.ماذا ستفعل مع البلطجية والمسجلين خطر؟ بعد استلامي مهام المنصب بنصف ساعة سوف أجمع كل البلطجية والمسجلين خطر والخارجين علي القانون في ميدان عام.. وليكن ميدان التحرير و..هل ستسجنهم؟ لأ طبعاًماذا ستفعل معهم إذن؟ هاشكرهم طبعا.