صباحي من الطرية: أعاهد كل مصري أن يأخذ نصيبه من ثروة وسلطة البلد

قال المرشح لرئاسة الجمهورية حمدين صباحى إن صندوق الانتخابات وحده سيكون هو المسئول عن وصول اي مسئول إلى أى درجة من درجات السلطة.وأضاف مخاطبا الآلاف من حضور المؤتمر الذى عقده مساء اليوم فى مدينة المطرية أعاهد كل مصري ومصرية أن يأخذ نصيبه من ثروة وسلطة البلد، محدش هيمد إيده لحد، ومرتبنا من عملنا هيكفينا ، الشباب هيحصل على فرصة عمل محترمة، دون فساد ولا رشوة، ولامحسوبية، والعاطل هيأخد إعانة بطالة، السيدات اللي بيصرفوا على أسرهم المرأة المعيلة، السريحة، الصنايعية، الشغيلة، اللي بيطلعوا كل يوم الصبح على شغلهم، يقولوا يافتاح ياعليم، يارزاق ياكريم، في رقبتي، كلهم هيعيشوا بكرامة، لأن مصر فيها خير يكفيها، ويكفي شعبها، إنما مصيبتنا كانت في حكامنا اللي كانوا ناهبين حقوقنا، اللى كانوا بيكبروا كروشهم ويجوعونا، ومن النهاردة ورايح، ولما ربنا يكتب لى النصر بكم، مصر لن يبقى فيها جعان ولا مُهان.