عمرو أديب: نحتاج تعديلا وزاريا في قطاعات هامة

قال الإعلامي عمرو أديب: "نحن بحاجة إلى تغيير بعض الوزراء، وهناك قطاعات هامة في مصر محتاجة دفعة وناس نار والبلد محتاجة شغل كتير".

وأكد خلال برنامج "الحكاية" المذاع علي قناة "mbc مصر": "احنا محتاجين وزراء سوبر مش عاديين علشان يشيلوا المسئولية ويغيروا، وضروري جدا إن الوزير يبقى عنده فكر وحاجة عايز يعملها، نفسي في وزراء تغير ويبقي فيه نقلة نوعية خلال فترة مسئوليته، مصر دلوقتي دولة طموحة ولما بسافر في الخارج بتسأل عن السبب وراء الحركة السريعة التي تحدث في مصر، والبلد محتاجة حد يقول أنا عندي فكر ويغير ويطور، والدم الجديد يعني تطوير الأهداف واحداث طفرة في القطاع اللي شغال فيه..كنت قاعد مع مجموعة من الناس كانت قاعدة مع الرئيس السيسي من اسبوع وأحدهم قال قعدنا معاه ولقيناه عنده الإحاطة الكاملة بكل الموضوعات".
وأضاف: "الوزراء اللى نجحوا الفترة اللى فاتت هما اللى واقفين علي رأس الناس اللى بتشتغل، لا أعرف ما إذا كان هناك تغيير او تعديل وزاري ولكننا بحاجة إلى وزراء يحدثون الفارق والتغير الكبير في القطاعات الهامة، واَن الأوان أن نرى وزراء من الشباب أعمارهم 32 و 33 سنة بغض النظر عن رجل أو إمرأة ولكن المعيار يتوقف علي الكفاءة لأن البلد بحاجة الى الشغل وهم ما يتلم".

وتابع: "اذا كان لي أن أقيم رئيس الوزراء الدكتور مصطفي مدبولي أدي عمل جيد جدا، وعنده حالة توافق واحتواء لكل الشخصيات في مجلس النواب، وعايز أقول إن لا كلمة في جرنال بتمشي ولا كلمة في جرنال بتجيب ومعرفش اذا كان هناك تعديل وزاري ولا لأ".