رضا عبد العال: مفيش حد قدر يقف قصاد مرتضى منصور غيري

قال الكابتن رضا عبد العال لاعب ناديي الأهلي والزمالك السابق، خلال لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"مفيش حد قدر يقف قصاد مرتضي منصور غيري".

وتابع:"رغم خلافى مع مرتضي منصور في وجهات النظر إلا إنى بحبه لأنه دكر وراجل ومبيخافش وده سر من أسرار حبي له".

وأضاف:"لعبت 6 سنين في نادي الزمالك وكنا بنلعب في رمضان الساعة 1 الظهر والنادي الأهلي بيلعب الساعة 9 بالليل ومكنش يجرؤ أي رئيس نادي يعدل مواعيد المباريات زي الأهلي لأنهم كانوا بيخافوا يروحوا اتحاد الكورة لكن لما جاء مرتضي منصور خلى للزمالك كيان".

وأشار:"انا مبخافش من مرتضي منصور ولكن أنا بحبه وبحترمه وأنا الوحيد اللى كنت بشاكس معاه وانتقد أمور في الإدارة".