إيهاب توفيق: كان نفسي ألاقي والدى عايش

حبس الفنان إيهاب توفيق، خلال الجزء الثاني من لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس" دموعه أثناء تحدثه علي وفاة والده، قائلًا:"بعد حريق الفيلا دخلت أدور عليه كان نفسي ألاقيه عايش".

وتابع :"لما دخلت في أوضته لاقيته نايم ولما اتخنق من الدخان مات وده قدر ربنا".

وأضاف: "أبويا واحشني، دور الشقة اللى هو ساكن فيها كلها تفحمت ما عدا الأوضة اللى هو كان نايم فيها ودى حكمة ربنا".

وأكمل:"ضهرى اتكسر بعد موت أبويا ومفتقد كل حاجة ووجوده في الدنيا كان أسعد حاجة وانا متأكد أنه في مكان أحسن من اللى احنا فيه لأنه كان أطيب انسان".


وكشف الفنان إيهاب توفيق، في الجزء الأول من نفس اللقاء، عن السبب الحقيقي وراء خلافه مع المطرب عمرو دياب، مؤكدًا: "غار من نجاحي ومفيش بنا ود".


وأضاف: "بدأت الغناء بعد عمرو دياب بـ 3 سنين لذلك هو أقدم مني، ولكن لما طلعت كسرت الدنيا بكام أغنية فعملت له قلق وحسيت إنهم خلوا فيه غيرة".


ولفت: "لما كنا شباب صغيرين كنت بلعب مع عمرو دياب كورة مع بعض ونحضر حفلات ومناسبات كتيرة جدا لأصدقاء لينا ولما كبرنا لقيته ابتعد وبدأت الغيرة من الأغاني اللي قدمتها في بداية مشواري".