إيهاب توفيق لـ شيرين: اخلعينى من خناقتك مع عمرو دياب

انتقد المطرب إيهاب توفيق، تصريحات الفنانة شيرين عبد الوهاب خلال احيائها حفل عمرو يوسف وكندة علوش وما نتج عنه من مشاجرة عن عمرو دياب.

وتابع "توفيق" خلال لقائه ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس":"شيرين طلعت بعد خناقتها مع عمرو دياب تقولي أنت مالك ومالنا، وأنا مليش علاقة بيهم الإتنين، ولكن معجبنيش الكلام بأن مصر مفيهاش مطربين غيرها هي وتامر وحماقي، وده غلط لأنه يمس كل الجيل مينفعش، لو انت عايزة تخبطى في عمرو دياب قوليله أنت وحش بدون الإساءة لباقي المطربين".

وأضاف:"مبقاش الصوت الحلو هو اللى مسيطر أو نمرة 1 ولو الموضوع بالأصوات يبقى مدحت صالح رقم 1 لأنه صوت ذهبي، واللى قصر عليا إن الإدارة بتاعتي كانت مش مظبوطة وده أثر عليا ومكنوش كويسين وده سوء اختيار".

ولفت إلي ان محمد منير وعمرو دياب من أهم الأصوات في مصر ولكلا منهما جمهور ولا يتفوق أحد منهم على الآخر.