محمد سامي يكشف لغز جملة ”كتع كسح كسل”

كشف المخرج محمد سامي، لغز جملة "كتع كسح كسل" في مسلسل "نسل الأغراب".

وأشار محمد سامي، خلال لقائه ببرنامج "العرافة" المذاع علي قناة "المحور":"جملة كتع كسح كسل كنت بقولها لأصحابي وإحنا في الجامعة أول لما ميكونوش عايزين يذاكروا فاقولها لهم علطول".

وتابع:"وانا بكتب سيناريو مسلسل "نسل الأغراب" كتبتها لغفران الغريب في حلقة 1 وهو بيوصف غجر زلط اللى هما فئة قليلة من الغجر".

وأضاف:"غجر زلط الحكومة عملت لها بيوت ومساكن وكهربا وميه وهما مصرين انهم يفضلوا في الخيم والجو اللى هما فيه، فغفران قالهم: ولأنكم كتع كسح كسل كسلتوا حتى تبنوا بيوت، والجملة بقت تريندز وناس كتير عملت عليها فيديوهات وانا مبسوط جدا".