كهربا: ”لو قابلت ميدو مش هسلم عليه.. ومجدي عبدالغني آخر واحد يتكلم عليا”

تحدث محمود كهربا لاعب الفريق الأول للنادي الأهلي، عن الذين ينتقدونه خلال الفترة الأخيرة، بسبب أزمته، مع الجهاز الفني للفريق بقيادة بيتسو موسيماني، وإيقافه عن المباريات لمدة شهر، قبل أن يعود مرة أخرى للمباريات مؤخرًا.

وقال «كهربا» خلال ظهروه ببرنامج «العرافة» عبر قناة «المحور»: «الجميع ينتقدني بدون مبرر لأهداف محددة، أنا لا أنظر إلى أحد، بقدر تركيزي في الملعب فقط مع فريقي، وطبيعي أي لاعب يتعرض للعقوبات».

ورد كهربا على هجوم أحمد حسام ميدو لاعب الزمالك الأسبق عليه خلال الفترة الماضية قائلا: «أنا لو قابلت ميدو مش هسلم عليه ومكنش يعرف يهاجمني، وأنا في الزمالك كان يخاف على طول بيتكلم عليا وأنا مش صاحب لقطة مش محتاج».

وأضاف: «كهربا مش أي حد وخلاص ولسه قدامي عمر، ومش من حقه يسخن عليا بينتقم مني علشان حاجات تانية، كانت قصة قديمة أنا مش شايفه أصلا وأنا لو مكنتش لابس تيشيرت الأهلي كنت هرد عليه بس أنا لابس تيشيرت الأهلي وهرد عليهم في الملعب».