رغم حالته الصحية الصعبة.. محمد التاجي يوجه رسالة للجمهور

وجّه الفنان محمد التاجي، رسالة إلى جمهوره؛ ليطمئنهم على حالته الصحية، بعد إجراء جراحة في الفك، أمس الأربعاء.

ونشر محمد التاجي مقطع فيديو له عبر صفحته على "فيس بوك"، وجه خلاله رسالة للجمهور قائلا: "مساء الخير ياجماعة مش عارف اتكلم.. الحمد لله رجعت البيت وخلصت العملية على خير بس تعبان أوي وبقى كله مبنج فالكلام بالتيلة واخد 15 غرزة هنا وكم غرزة هنا الدنيا منيلة خالص.. بس الحمد لله على كل حاجة وربنا ميخلي حد فيكوا يقع في اللي وقعت فيه".

وتابع محمد التاجي: "ربنا يديكوا الصحة ويديمها عليكوا يارب.. مش عارف أقولكوا إيه مش عارف اتكلم خالص وشاكر لكل مشاعركم الجميلة اللي جاتلي النهارده.. سعيد وحاسس إني حوليا عزوة وأهل وحبايب.. ميرسي على كل حاجة وآسف إني مش عارف اتكلم كويس".