مى حلمى تنفى إصابتها بجلطة وتطالب جمهورها بالدعاء والكلمة الطيبة

نشرت الإعلامية مى حلمى، عبر حسابها الشخصى بموقع إسنتجرام، تعليقا عقب تعرضها لوعكة صحية بعد إلغاء زفافها على الفنان محمد رشاد، موضحة أنها لم تتعرض لجلطة كما انتشرت بعض الشائعات، ولكنها تعرضت لضغط نفسى وانسداد فى الشعب الهوائية، بسبب ما حدث بعد إلغاء الزفاف.

 

 

وعلقت قائلة: "شكرا لكل الناس اللى بتحبنا والزملاء اللى اطمنت عليا وسألت عنى، بس قبل أى حاجة أنا مجاليش جلطة الحمد لله ولا الكلام ده، هو مجرد ضغط نفسى وانسداد فى الشعب الهوائية بقالى كام يوم، وأكيد بسبب اللى حصل وده وارد بين أى طرفين".

 

وأضافت: "مشاكل حياتنا الخاصة تخصنا واحنا قادرين نحلها بكافة الطرق لإنها حياتنا احنا.. وكشخصيات عامة محدش له يدخل ويتكلم ويحلل ويقول ضريبة الشهر لا طبعا لانها حياتنا الخاصة مش للشهرة".

 

واختتمت حديثها: "مش هطلب منكم غير الكلمة الطيبة، ويا ريت نتعلم من الأمثال اللى ليها حكمة العروسة للعريس والجرى للمتاعيس، وفى الآخر كل اللى داخل خارج البصلة وقشرتها عمركم شفتوا بصل من غير قشر؟ مش هينبكم غير إن كل اللى قال كلمة وحشة هتقعد له وهيبقالنا الحلو كله".