خالد الصاوى: أنا مش حستفز حد وأتمنى ما حدش يستفزني

عبر الفنان خالد الصاوى عن كيفية تعامله مع زملائه من الوسط الفنى اللذين وقفوا ضد الثورة والثوار حيث كتب من خلال صفحته على الموقع الإجتماعى الشهير الفيس بوك قائلا واحدة زميلتي جدعة وطيبة جدا سألتني بقلق: دلوقتي أنت هاجمت بعنف الفنانين اللي وقفوا ضد الثورة، حتعمل أيه لما تقابلهم في إجتماعات النقابة وكده؟ قلتلها تفتكري يعني حخش عليهم الإجتماع بالمولوتوف ولا حقف جنبهم وألقح كلام عليهم؟والله أنا حعمل اللي أهلي ربوني عليه ححترم المكان والناس اللي حوالينا ومهنتنا وزمالتنا بغض النظر عن أي شيء ثاني، واللي حتيجي منهم عينيه في عينيا حسلم عليه وأبعد عنه، رد رد ما ردش هو حر، السلام لله واللي في القلب في القلب وكل بني آدم متعلق من عرقوبه، أنا مش حستفز حد، وأتمنى ما حدش يستفزني.