بالفيديو .. غادة عبدالرازق تعتذر عن فيديو الجزيرة: بتعالج نفسياً من 22 سنة

أكدت الفنانة غادة عبد الرازق، أن الفيديو المثير للجدل لم يكن مفبركا، وأنها لم تكن فى كامل انتباهها وقت تسجيله بسبب الأدوية، ووسط دموعها وعدت الجمهور بعدم تكرار تلك الفعلة.

وقالت غادة من خلال فيديو نشرته مساء اليوم، على "إنستجرام"، موضحة: "مكنتش قادرة أقول الكذبة بس ده حقيقى، أنا كنت واخدة دواء دوخنى، ومكنتش سكرانة.. ديه أدوية نفسية، وبتعمل حالة هذيان".

وأضافت: "أنا غلطتى إنى طيبة وعلى سجيتى، وزى الحمارة، أنا مش عارفة أقول إيه، فكرت كتير قبل ما أطلع اللايف ده، بس حقيقى آخر مرة".

وانهارت غادة من البكاء خلال الفيديو، وتابعت: "أنا أسفة جدا، وأوعدكم أنها مش هتتكرر تانى، ومكنتش والله مركزة فى الفيديو لملئ الشاشة بتعليقات جمهورها".

وأضافت: "أنا كنت طول اليوم تعبانة جدا فى الجزيرة، وكان عندى حالة من الهذيان وتأثير العلاج البدنى والنفسى مكنش مخلينى مركزة".

وتابعت عبد الرازق فى البث المباشر "أنا بتعالج نفسياً بقالى 22 سنة، وتأثير الأدوية هى السبب، وبقالى 26 سنة بتحارب والناس مستنيالى غلطة، وما صدقوا اللى حصل".