تويتر: البكتيريا اللي في الفسيخ ماتت من الريحة مش الملح

طرح عدد من نشطاء موقع التواصل الاجتماعي "تويتر"، اختيارًا بين تناول الفسيخ أو الرنجة في عيد شم النسيم، وقاموا بتدشين هاشتاج بعنوان "الفسيخ ولا الرنجة".وقال أحد الرواد: "أقسم بالله ما ادقهم الاتنين الحياة مش بعزقه ياعم الحاج"، وعلق آخر قائلًا: "الإتنين اجمد من بعض"، وكتب آخر قائلًا: "لا ده ولا ده الله يعين اللى بيحبوهم بيطيقوا الريحة ازاى معرفش.. أخرى سمك والحمد لله ع كده أوى".وأضاف آخر: "الناس اللي فاكره إن البكتيريا في الفسيخ ماتت من الملح لا طبعا، ده كلام غلط، البكتيريا ماتت من الريحه"، وقال آخر: "الهاشتاج ريحته دوخت تويتر واللي اخترعه، اديها رنجه وماتنساش البصل الأخضر".