بالفيديو.. رئيس الزمالك يهدد أهالي «الألتراس» على الهواء

قال رئيس نادي الزمالك، إن الألتراس يريدون إشعال مصر، خصوصًا بعد مرور الذكرى الخامسة لثورة 25 يناير على خير، مشيرًا إلى أن «الألتراس عايزين يعملوا مشكلة يوم مباراة القمة».

وأضاف، خلال مداخلة هاتفية ببرنامج «إنفراد» المذاع على فضائية «العاصمة»، أن «الألتراس عاوزين يحتكوا بالشرطة، سواء التراس الأهلي أو الزمالك، وينضرب عليهم دخان ويحصل تدافع، والعيال تموت، ويبقى مرتضى منصور هو السبب علشان هو اللي مرضيش الماتش يكون في ستاد برج العرب».

وتابع: «الألتراس بيتحاكموا دلوقتي في قضية اقتحام النادي، وأنا اتنازلت عن قضية الشروع في قتلي، لإني كنت فاكرهم محترمين، لكن هما مش محترمين.. أنا بقول لأهاليهم، اللي هيجيلي تاني ويبوس الجزمة علشان اتنازل هديله بالقديمة».