بالفيديو.. مرتضى منصور يُهدد الإعلاميين

دخل مرتضى منصور ، عضو مجلس النواب ، في وصلة تهديد للصحفيين والإعلاميين، بعدما تناولوا الجلسة الإجرائية لنواب الشعب بأسلوب رأه «ساخرًا».

وقال «منصور» في مداخلة هاتفية لبرنامج «ستاد معروف» على قناة «العاصمة»، أمس الأحد: «ده مجلس نيابي محترم، الشعب أول مرة يختار نوابه بإرادته دون تزوير، اللي هيقل أدبه على النواب هيضرب بالجزمة سواء أي عيل أو عيلة صايعة، وإحنا نقدر ناخد حقنا بأيدينا لو على عبدالعال مقدرش يأخد حقنا بالقانون».

وأضاف «منصور»، مخاطبا الزميل الدسوقي رشدي، مقدم برنامج «آخر النهار» على قناة «النهار»: «احترم نفسك يا قليل الأدب، وبحذرك يا علاء يا كحكي، المجلس مُحترم الشعب هو اللي اختاره، ومين أنت يا عيل يا تافه؟».

وتابع «منصور» منفعلا: «لما تتكلموا عننا اتكلموا بأدب لأننا أسيادكم، والشعب اختارنا»، وقال واصفا نفسه: «مرتضى منصور اللي مش عاجبكم، نزل أخد أعلى الأصوات على مستوى الجمهورية، و25 يناير مؤامرة وأنت يا دسوقي رشدي ومحمد فتحي من المتآمرين، لكن للأسف فيه ناس كبيرة في البلد بتقعد معاهم».