مدحت العدل ينعى شقيقه المتوفى بأبيات شعر
نشر الكاتب والشاعر، مدحت العدل ، على صفحته على موقع «فيس بوك»، قصيدة جديدة بعنوان «نمرة ع التليفون» كتبها رثاء لشقيقه سامي العدل الذي توفي في 10 يوليو الماضي، وأرفقها بصورة تجمعهما معا.
وجاءت كلمات القصيدة كالتالي:
نمرة ع التليفون صاحبها مش موجود
هو ف لحظة اختفى وهي ليها وجود
كل ما أقول أمسحها إيديا تخذلني
مكتوبلنا نفترق وبينا خيط مشدود
...
علمني أكون طيب مهما الصحاب خانوا
وكل شىء هين والشرفا بيبانوا
وهو كان السهل ف صعوبة الدنيا
وكان كمان الحياة والكون وألوانه
...
الصوت اللي كان عالي أجش خلاص
ساكت كما الحزن النبيل للناس
والرهبة مالية المكان بالموت
إحساس مايتوصفش يا غربة الإحساس
...
وكان شريك الألم والشوق وأحلامي
وهو اللي مد إيديه ف فجر أيامي
سابنا لمين الخال وعمدة الجدعان
النأب كان العدل والمبتدأ سامي
.jpeg)
.jpg)
