بالفيديو.. عزت أبوعوف يكشف لأول مرة تفاصيل زواجه من مديرة أعماله

أعلن الفنان عزت أبوعوف زواج من مديرة أعماله «أميرة» بعد علاقة عمل بينهما استمرت 18 عاما.

وقال أبوعوف في تصريحات لبرنامج «et» المذاع على قناة «mbc مصر2»: «مراتي أميرة اللي اتجوزتها في الشهر الآخراني، واخداني على عيوبي وواخدها على عيوبها، مش عايز حد أتمنظر بيه وملاقتش أحسن منها، فكرت في إنها تكون زوجة صالحة، تساعدني أكمل اللي فاضلي من عمري، ولو كنت لوحدي مكنتش هقدر أكمل واكتشفت كدة«.

وأضاف «أبوعوف»: «مفيش كلمة غيرة مفيش كلمة اشمعنا حاطط الصورة دي (صورته مع زوجته الراحلة فاطيما)».

وتابع: «فاطيما ما كانتش بتسيب فرصة تقدر تساعدني فيها ومتساعدنيش العطاء كان اسم العلاقة بيني وبينها، كان ممكن تديني حتة من قلبها».