محمد صبحى: لهذا السبب جعلت مسرحى بـ"20 جنيها"

روى الفنان محمد صبحى لجمهوره على "فيس بوك" قصة إنسانية تعرض لها أثناء عرض مسرحيته " ماما أمريكا" عام 1998. 

وكتب صبحي عبر صفحته بموقع التواصل الاجتماعي " فيس بوك" قائلا: سبب انخفاض أسعار تذاكر مسرحي إنى بعد ما خلصت العرض كانت تقريباً "ماما أمريكا" ١٩٩٧ قابلني رجل محترم قالي بالنص كده: حضرتك أرخص تذكرة عندك بخمسين جنيه وأنا وزوجتي وعندي ٤ أولاد لو هنحجز أرخص تذكرة يبقي محتاج ٣٠٠ جنيه وأنا مرتبي أقل من ٣٠٠ جنيه".

وأضاف صبحي "فأنا بحُسن نية جبت تذاكر له ولعائلته راح قالي "أنا مابشحتش منك أنا بحبك ومش بادخل غير مسرحك وفي ناس كتير زيي".

وأضاف "تاني يوم خلّيت سعر أغلي تذكرة ١٥٠ جنيها وأقل تذكرة ٢٠ جنيها لأن من حق أي مواطن يدخل المسرح اللي بيحبه .. لذلك فمسرحي... هو مسرح للجميع".