شعبولا: ماركو بتاع الفيس اتعزم لافتتاح القناة وأنا لأه؟

قال المطرب الشعبي شعبان عبدالرحيم إنه "يشعر بالضيق من عدم دعوته حتى الآن لحضور حفل افتتاح قناة السويس".
وأضاف، في تصريح لـ"دوت مصر"، "يعني هو أنا أعمل أغاني بس، ويروح يحضر حفل الافتتاح ناس تانية، ده أنا المفروض يبعتولي عربية خاصة، أو أتوبيس مكيف ياخدني من البيت، تجاهلوني في الموضوع ده زي موضوع التكريم بتاع أميتاب باتشان كرموه هو وأنا لا، يعني مش كفاية تكريم أميتاب باتشان.. كمان متعزمش في حفل افتتاح قناة السويس".
وتابع شعبولا باستياء "أنا شفت صور لماركو بتاع الفيس بوك متصور قدام القناة يعني هم عزموه وأنا لأه؟ أنا مرضاش بالكلام ده أبدا".

 

 

يذكر أن شعبولا طرح مؤخرا أغنية "أول حلم اتحقق"، وقدمها خصيصا لقناة السويس، كتبها إسلام خليل، والتي تنص على "أدى أول حلم اتحقق وابتدى مشوار النصر.. قولوا للي ماكنش مصدق يجي يشوف فرحة مصر.. مابقتش الأحلام صعبة والشغل وأكل العيش.. الجيش هو الشعب والشعب هو الجيش.. يا شعب مصر يا جامد يا شعب مصر يا ذوق.. خلاص المية جريت كمان طلعت لفوق".