مأساة كبرى.. أحد أهالي ضحايا مركب الوراق: ليا 7 في المياه

 

عرضت فضائية "سي بي سي إكسترا" عدة لقاءات مع أهالي ضحايا غرق "معدية الوراق"، الذين اشتكوا جميعًا من تقاعس المسئولين في البحث عن ذويهم وإخراجهم من المياه حتى الآن.

وقال أحد أهالي الضحايا: "أنا ليا في المركب سبع أفراد زوجتي وأولادي الاثنين وحماتي وبنتها وأولادها الاثنين، ومراتي بس هي اللي طلعت".

وأضاف "من أول أذان العشاء ولغاية دلوقتي مفيش مسئول اتحرك وحتى اللانشات لما جت والغواصين مكانش معاهم أي معدات أو أكسجين للبحث عن أهلنا".

وتابع "الصيادين هما اللي بينتشلوا الجثة، أنا نزلت في المية علشان أدور على ولادي والصيادين طلعوني، أنا كل اللي عايزه أدفن ولادي وبس".

واستطرد قائلا: "ياريت تحسوا بينا لو كانت مركب سياحي كنت هتلاقي طائرات نازلة المية تدور عليهم، ولا هو إحنا علشان غلبانيين يتعمل فينا كدة".

من جانبه قال أيضًا أحد أهالي الضحايا: "لغاية دلوقتي بيبحثوا في نفس مكان غرق المركب رغم إن التيار أكيد جرفهم جهة القناطر، والمحافظ كل اللي عمله جه شرب حاجة ساقعة ومشي".