فيديو.. خالد الغندور لـ«شوبير»: «هو أنا ينفع أقول شوشو متخلف عقليًا»

انتقد الكابتن خالد الغندور، نجم نادي الزمالك ومنتخب مصر السابق، عبر برنامجه «اللعبة الحلوة»، على قناة LTC، الكابتن أحمد شوبير، مقدم البرامج الرياضية ونجم منتخب مصر السابق.

وقال «الغندور» : «بحاول أكون صادق في معلوماتي، في يوم من الأيام اتكلمت وقولت جاريدو وحش، الدنيا قامت عليا، وفي يوم من الأيام الميرغني قال أتمنى التوفيق للأفريقي التونسي الشقيق، أه هو مستفز يعمل كده، ولكن من قبله ميدو عمل كده، أي حد بيحب الزمالك من اللاعبين عايز الأهلي يخسر، ولكن نفس القصة الأهلي بيحب الزمالك يخسر».

وأضاف: «الكابتن شوبير بيصرخ لما بيشجع الأهلي بره، وعايز الزمالك يخسر، لابد ميكونش فيه نفاق، تم شتم الميرغني واتقفل في وشه السكة».

وتابع: «أي لاعب في الأهلي عايز الزمالك يتهزم، وأي لاعب في الزمالك عايز الأهلي يتهزم، في الإعلام مينفعش يبقى فيه تحيز، وتقول المتغندر يعني الغندور يعني متخلف عقلي، هو أنا ينفع يعني أقول شوشو (شوبير يعني) متخلف عقليا ؟، أنت ليه بتحجر على رأي».