مصطفى يونس: «لو أنا السبب في التحفظ على أموال أبوتريكة هبقى فخور بكده»

قال الكابتن مصطفى يونس، نجم النادي الأهلي السابق، إن القلعة الحمراء مع المدرب الجديد فتحي مبروك «شكل جديد، وأدائه عالي أوي الفترة المقبلة»، بحسب قوله.

وأضاف «يونس» في مداخلة هاتفية لبرنامج «أسرار الملاعب» على قناة «LTC»، مع الإعلامي عصام شلتوت، مساء الأربعاء: «رغم أن اللاعب أحمد عبدالظاهر ينتمي للجماعة الإرهابية، بس أنا بقول كلاعب قدامه كمان 4 أو 5 مباريات وهيبقى أحسن مُهاجم في مصر».

وعن أزمة الكابتن محمد أبوتريكة، وقرار التحفظ على أمواله، قال «يونس»: «أبوتريكة إنسان ومحترم على المستوى الشخصي، لكننا في دولة قانون، والتمويل اللي بتعمله شركته ده هو السبب في قتل أولادنا وهدم البلد».

وتابع: «اللي بيمول الإرهابيين دول أعداء الوطن والبلد»، مضيفا: «والله لو أنا السبب في التحفظ على أموال أبوتريكة هبقى فخور بكده»، بحسب قوله.