بالصور: جمعية بداية تستغل الانتخابات وتدعوا الى دولة أوروبية

استغلت جمعية بداية التواجد المكثف للمواطنين واقبالهم على التصويت في الانتخابات الدستورية وقامت بتوزيع أوراق تحث على الاستمرار على مبادئ الثورة ونقلنا الى دول أوروبا أمام مقر اللجان الانتخابية.ووفقا لما جاء في نص المنشور والذي حصلت جريدة النهار على نسخة منه جاء الأتي..في البداية حابين نقول ان فيه ناس كتير ضحوا بأرواحهم علشان خاطري وخاطرك وعلشان مصر تبقى أحسن بلد في الدنيا .. احنا مجموعة شباب في كل حتة في مصر .. انت اية رأيك في دولة اوروبا؟ .. أكيد نفسك نكون زيهم في التقدم .. تعرف هما بقوا كدة ازاي .. أول حاجة مبيكسروش اشرات المرور ومبيرموش زبالة في الشارع .. وبيشتغلوا مش بيقروا جرايد ولا بيقشروا بطاطس في الشغل .. ومبيدفعوش رشوة لحد .. ومبيسكتوش على الفساد الي بيحصل من المسئولين .. وبيشاركوا في الانتخابات .. ومبيبعوش أصواتهم .. ومبيدفعوش في الحاجة أكثر من تمنها يعني مبيقبلوش حد يستغلهم ولو لقوا حد بيستغلهم بيبلغوا جهاز حماية المستهلك.فاضل أية علشان نكون زي أوروبا بعد ثورة 25يناير فاضل؟ .. فاضل انك تبدا بنفسك .. ونتعاون مع بعض ونخاف على بعض .. ونبطل كلمة مليش دعوة هو أنا هصلح الكون .. أيوة انت هتصلح الكون ابدأ بنفسك .. وهتلاقينا في كل حتة جنبك.