تعليق احمد حلمى على واقعة التحرش بالتحرير

أعرب الفنان أحمد حلمى، عن استياءه من واقعة التحرش التي حدثت في ميدان التحرير أمس خلال احتفالات المصريين بتنصيب عبدالفتاح السيسي رئيسا للجمهورية .

 

حيث كتب عبر صفحته الرسمية على موقع التواصل الاجتماعى "الفيس بوك" قائلا :"من صغري وانا بحب الكلاب .. وكنت بربي كلاب كتير جدا “ ذكور واناث” وفي تاريخ تربيتي للكلاب بكل اشكالها وانواعها .. عمري ماشفت كلب مُتحرش " .

 

وتابع متعجبا :"ممكن حد يقولي ماهو ده لانها كلاب متربيه ومتدربه وعايشه في التكييف .. اقوله لآ .. دي كلها كانت كلاب شوارع .. كلاب بلدي زي مابيقولوا عليها.. كلاب جعانه وعيانه ونايمه تحت العربيات في الشوارع .. وكنت مربيهم في حتة ارض فاضيه جنب العماره .. مكنتش مربيهم لافي شقه ولا في ڤيلا ولا حتي فوق السطوح.. وكانوا سكان العماره بيآكلوهم من فضلات الاكل بتاعتهم" .

 

وأضاف مؤكدا:"اكتشفت ان الكلاب اللي معندهاش عقل ومبيحكمش تصرفاتها غير الغريزه طلعت محترمه وعندها مبدآ.. عمر غريزتها ماغلبت علي مبدآها.. حد عمره سمع ان في شوية كلاب اتلموا علي كلبه ونهشوا لحمها .. الكلب اللي معروف عنه انه نجس .. طلع محترم وعنده مبدآ " .

 

وانتهى بالقول :"مش عارف اوصف المتحرشين دول بآيه .. لو قلت عليهم كلاب .. حقيقي هابقي بمدحهم وبشتم الكلاب" .

 

يذكر أن حلمى سيعرض له فى موسم عيد الفطر المقبل فيلم "صنع في مصر"، والذى يشارك فى بطولته ياسمين رئيس، وعبد الله مشرف، وإدوارد، والطفلة نور عثمان ، تأليف مصطفى حلمي، ومن إخراج عمرو سلامة .

شاهد المحتوى الأصلي علي بوابة الفجر الاليكترونية - أحمد حلمى للمتحرشين: لو قلت عليكم كلاب هابقي بمدحكم وبشتمهم !!