خالة قتيل إمبابة لـ«السيسي»: «لو كان يرضيك اللي حصل إحنا راضيين»

قالت خالة "حمادة خليل" المحامى الذي لقي مصرعة برصاصتين الأحد الماضى على يد أمين شرطة بقسم إمبابة يدعى أحمد الطيب داخل ديوان القسم، "إحنا غلابة وملناش في السياسة".

وأبدت تعجبها من وصف نجل شقيقتها بـالإرهابى متساءلة، "هو فيه إرهابي يروح قسم من غير سلاح علشان يدفع كفالة لواحد ويخرجه من الحبس".

وأضافت: "إحنا نزلنا فوضنا السيسي علشان يرجع الأمان.. فين الأمان ده عيالنا بتموت بإيد اللى فوضناهم.. لو كان يرضيك يا سيسي اللي حصل إحنا راضيين .. حسبى الله ونعم الوكيل في كل ظالم".

وقالت خالة القتيل: "ده اليهود والإسرائيلين ماعملوش معانا كدة ولا الكفرة عملوا كدة.. ليه حرام ده لسة شاب وربنا رزقه ببنت عندها 10 أيام مين اللى هيربيها وهتقول بابا لمين".