.jpg)
فلسفة ضمير ميت
شعر: سيد صادق
ف يوم وانا ماشى
وكانت السهره صباحي
قابلت اتنين بيتخانقوا
ضمير ميت مع صاحي
كان الصاحي......
بيزعق وبيقوله
كفايه عليك
العمر ده كله
عايش ميت
تعالى وفوق
قال الميت......
طب قولى
انت يا مفتح
اديك صاحى
ووقت الجد بتصحصح
عددكوا يطلع كام مخلوق
أنا غالب ومش مغلوب
بمشى الدنيا بالمقلوب
واللى يفكر يروح عندك
بياخد الإذن إنه يتوب
أنا وانت
سباق بينا ليوم الدين
ساعات ميت ساعات صاحي
ساعات الاتنين
وساعات بجد ساعات
بفكر إني.........
مكونش ضمير ميت وأكون
زيك ضمير صاحي
ف يوم وأنا ماشى
وكانت السهره صباحي
قابلت اتنين بيتخانقوا
ضمير ميت مع صاحي
.jpg)
