مفاجأة .. الفتاة المسحولة : أفوض ‫‏الجيش‬ فى مواجهة ‫الإرهاب وسأشارك بمظاهرة اليوم

قالت الناشطة السياسية غادة كمال، والمعروفة بـ"ست البنات" أو"الفتاة المسحولة"، "حقى أنا متنازلة عنه يا بتوع حقوق الإنسان، وبفوض ‫‏الجيش‬ فى مواجهة ‫الإرهاب، وبحب بلدى وهنجيب حق الشهداء، وأقولكم على حاجة الشهداء لو موجودين هيختاروا ‫مصر‬".

وأضافت كمال، عبر تدوينة لها على حسابها بموقع التواصل الاجتماعى "فيس بوك" قائلة: "أنا غادة كمال أحمد عبد الخالق أفوض الفريق عبد الفتاح السيسى فى التعامل مع الإرهاب الحالى والمحتمل، وسوف أنزل اليوم الجمعة لتفويضه".

واختتمت قائلة: "ممكن أسامح اللى كانوا مع المجلس العسكرى أو اللى كانوا مع مبارك ضدنا، لأنهم بيتكلموا من وجهة نظر سياسة أو مصالح أو خوف.. لكن اللى مع الإرهابيين المرة دى بالنسبة ليا عميل وخاين، والخاين ديته عندى رصاصة فيبعدوا عن خلقتى أحسن ما أكلهم بسنانى، وربنا مايوريكم ست لسانها أطول من إيدها".