آسف ياريس لـ مرسي مريض بقالك سنه بـ السرطان ومش قادر تمشى

 

وجهت صفحة أنا آسف ياريس على موقع التواصل الإجتماعى فيس بوك رسالة إلى الرئيس محمد مرسي قائلة : مريض بقالك سنه بمرض زى السرطان عمال يتفشى في جسمك وعمال يسيطر على جميع مراكز القوى فى جسمك " أعصابك وعقلك وقلبك " مخليك مش قادر تمشى وتتقدم ولا عارف تاكل ولا تشرب وكل يوم حالتك الصحية بتدهور عن اليوم اللي قبله. 

 

وتابعت خلال تدوينة لها : كره فيك كل اهلك وقرايبك اللى جنبك خلاهم مش عايزين حتى يساعدوك علشان تخف بقى كل يوم بيضعفك ويقوى زميلك اللي فى الشغل أكتر علشان يكبر اكتر و ياخد وظيفتك ومكانتك وبعد ما كنت الكبير فى شغلك اللى كان بيسند ليه جميع المهمات الصعبة أصبحت مجرد موظف عال على الشغل موجود باسمك فقط ، مرضك خلاك لا قادر تاكل ولا تشرب ولا تشتغل.. مرض كل يوم بيستنفذ موارد جسمك خلاك من بعد ما كنت كبير العائلة أصبحت مريض العائلة وبقيت كل يوم بتتسول وتشحت حق مصاريف العلاج و وبقيت بتكتب على نفسك شيكات وصولات أمانة علشان يرضى ويقبل جارك أنه يسلفك مصاريف العلاج. 

 

واردفت : وتتراكم عليك الديون وكل يوم بترهن وتبيع جزء من بيتك علشان جارك يقبل يسلفك على أمل انك تخف وتسدد دينك ، وفى وقت ما المرض بيتفشى فى جسمك وبيحتل جميع مراكز قوته وبينفذ قدراته ، جتلك فرصه مش هتتكرر تانى للخلاص من المرض اللعين فرصة توحد فيها 90 مليون مريض معاك وقرروا أنهم يواجهوا المرض ده ويقضوا عليه ، بس العلاج دة هيحتاج تعب وسهر وعرق ومجهود علشان تتخلص منه بعد ما تفشى فى جسمك كله ، تفتكر تتعب شوية وبعدين ترتاح ، ولا تستسلم للمرض اللعين لحد ما يقضى عليك؟ مختتمة : أنتا صاحب القرار علاجك بين أيديك..!