قبل شراء الشبكة.. شعبة الذهب بالإسكندرية تكشف أفضل طريقة للشراء

أعلنت شعبة الذهب بالغرفة التجارية بالإسكندرية، اليوم السبت 7 نوفمبر 2026، استقرار أسعار الذهب في السوق المحلية، بعد تراجع طفيف بنحو 10 جنيهات في بداية التعاملات، مع هدوء نسبي في حركة البيع والشراء بسبب عطلة البنوك.

وقال أحمد عبد الوهاب، عضو مجلس إدارة شعبة الذهب بالغرفة التجارية بالإسكندرية: «الأسعار اللي أعلنتها شعبة الذهب بتجارية الإسكندرية النهاردة هي الأسعار الرسمية اللي شغالين بيها في السوق».

وجاءت أسعار الذهب اليوم - شعبة الذهب بالغرفة التجارية بالإسكندرية - دون مصنعية:

• عيار 24: 7,103 جنيهات للبيع - 7,052 جنيهًا للشراء.
• عيار 21: 6,215 جنيهًا للبيع - 6,170 جنيهًا للشراء.
• عيار 18: 5,327 جنيهًا للبيع - 5,289 جنيهًا للشراء.
• جنيه الذهب (8 جرامات عيار 21): 49,720 جنيهًا للبيع - 49,360 جنيهًا للشراء.

وسجلت الأوقية عالميًا 4,070 دولارًا، متراجعة بنحو 17 دولارًا بنسبة 0.43%، بعد أن لامست 4,107 دولارات كأعلى سعر خلال الجلسة.

رؤية شعبة الذهب بالغرفة التجارية بالإسكندرية

وأضاف عبد الوهاب: «السوق بيتحرك في نطاق عرضي حوالين 6,200 جنيه لعيار 21، وده مستوى مهم جدًا. التراجع اللي حصل في الدولار أكتر من جنيهين خلال أسبوع هو اللي ضغط على الذهب محليًا رغم تماسك الأوقية عالميًا فوق 4,000 دولار.

اللي عايز يشتري للادخار أو للشبكة، المستويات الحالية مناسبة للشراء على أجزاء، مش مرة واحدة. واللي عايز يبيع، يستنى تأكيد كسر 6,200 جنيه أو العودة فوق 6,300 جنيه عشان يحدد اتجاهه. نصيحتي: متجريش ورا الشائعات، وتابع السعر العالمي والدولار هما اللي بيحركوا السوق هنا».

ونبهت شعبة الذهب بالغرفة التجارية بالإسكندرية إلى أن الأسعار المعلنة لا تشمل المصنعية والدمغة، وتختلف من محل إلى آخر.