كأن التاريخ بيعيد نفسه...تامر حسنى يشارك الجمهور بفيديو من كواليس حفله بإحدى المدارس الدولية

شارك الفنان "تامر حسني" الجمهور بلقطات من لحفل الغنائي الذي أحياه بإحدى المدارس، أمس الجمعة، وذلك من خلال فيديو له من كواليس الحفل عبر صفحته الرسمية علي موقع التواصل الإجتماعي فيسبوك.

وعلق تامر على الفيديو قائلا: " حفلة امبارح بالنسبالي مليانة معاني كتير اوي جميلة أثرت فيا اوي، و كأن التاريخ بيعيد نفسه مع أجيال جديدة، أول حاجة حفظ الجيل الصغير الجميل ده كل أغانيّا ، زي ما إنتوا شايفين من يوم ما غنيت لحد النهارده" .

وأكمل تامر وقال : " الأهم بقى درجة الحب الاستثنائية اللي ربنا هداني بيها منكم، من مشاعر صادقة انتج عنها دموع أطفال بريئة
لا يمكن يجاملوا. مش قادر أنسى دموعهم عشان كنت بودعهم و ماشي. والله معرفش إنكم بتحبوني كده ، حبايبي أنا بحبكم اوي اوي، ربنا يحفظكم لأهاليكم و تكبروا ، و تفضلوا تحبوني كده زي اللي قبلكم" .

وأختتم الفنان تامر حسني منشوره وقال: " اللي بيقروا كلامي دلوقتي الصغننين اللي كبروا و بقوا شباب زي الورد، ألف شكر لكم مدرسة الجزويت العظيمة، الحمدلله على محبتكم" .

يذكر أن تامر حسني قدم خلال الحفل عددا من أغانيه، من بينها " تليفوني رن، حلو المكان، أرجع لي ، بتغيب، ناسيني ليه، بشوقك، وغيرها من الأغاني".