تزامنا مع الأحتفال بيوم اليتيم.. ليلى علوي: بنفتكر كل طفل فقد الأمان

علقت الفنانة" ليلى علوي " علي الأحتفال بيوم اليتيم والذى يتزامن مع الجمعة الأولى من شهر أبريل من كل عام ، متطرقة إلي الأطفال الذين فقدوا الأب أو الأم والأمان.

فقالت ليلى علوي عبر منشور بصفحتها الرسمية بموقع التواصل الاجتماعي فيسبوك : "في يوم اليتيم مش بس بنفتكر الأطفال اللي فقدوا أب أو أم.. لكن كمان بنفتكر كل طفل فقد الأمان، كل طفل نام على خوف، كل طفل اتسرق منه حقه في الطفولة، في الضحكة، في اللعب، في حضن دافي، وفي حياة بسيطة وآمنة زي باقي الأطفال".

وأكملت الفنانة :" يوم زي ده… قلوبنا لازم تكون مع كل طفل وحيد، مع كل طفل بيتمنى حضن، مع كل طفل مستني كلمة حلوة، ومع كل طفل الحرب أخدت من عينيه البراءة قبل أوانها".

وانهت الفنان ليلى علوي منشورا وقالت: "وخلّونا نفتكر إن أحنّ حاجة ممكن نقدمها لأي طفل مش بس المساعدة…لكن الإحساس إنه مش لوحده.. إن الدنيا لسه فيها رحمة، ولسه فيها قلوب قادرة تطبطب، وتسمع، وتحس، وتحتوي، يا رب احفظ أطفال العالم واكتب لهم السلام، والرحمة، توالعوض الجميل".